दाङ । आगामी फागुन २१ गतेदेखि रिक्त हुने १९ जना राष्ट्रिय सभा सदस्यका लागि बिहीबार (आज) निर्वाचन हुँदैछ ।
कानूनतः पदावधि सकिनु ३५ दिन अगावै निर्वाचन गर्नुपर्ने व्यवस्था अनुसार सातै प्रदेशमा निर्वाचन हुन लागेको हो । लुम्बिनी प्रदेशबाट राष्ट्रिय सभा सदस्यका लागि दुई वटा पदमा चुनाब हुँदैछ ।
राष्ट्रिय सभा सदस्यको पदका लागि मतदाता रहेका प्रदेश सभा सदस्यको ५३ र गाउँपालिकाका अध्यक्ष तथा उपाध्यक्ष र नगरपालिकाका प्रमुख तथा उपप्रमुखको १९ मतभारका दरले गणना हुने बताइएको छ ।
निर्वाचनमा हाल कायम प्रदेश सभा सदस्य र स्थानीय तहका प्रमुख–उपप्रमुख गरी दुई हजार ४७ जना मतदाता गरी कूल मतभार ५७ हजार ५ सय ५९ हुनेछ ।
हाल कायममा प्रदेश सभा सदस्य ५ सय ४९ र गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख गरी एक हजार ४ सय ९८ मतदाता रहेको निर्वाचन आयोगले जनाएको छ ।
निर्वाचनलाई सव्य र शान्ति सुरक्षारहित बनाउन सुरक्षा व्यवस्था कडा पारिएको लुम्बिनी प्रदेश प्रहरी प्रमुखको कार्यालयले जनाएको छ ।
