बुटवल । लुम्बिनी प्रदेश सभा पूर्व सदस्य निर्मला क्षेत्रीले लुम्बिनी प्रदेश सरकारले बजेट तथा योजना तर्जुमाका लागि सबै क्षेत्रहरूलाई सहभागिता गराइ बृहत रुपमा छलफल तथा अन्तक्र्रिया गरेर जानुपर्ने सुझाव दिनुभएको छ ।
बजेटको विषयमा गरिएको कुराकानीमा पुर्व सांसद क्षेत्रीले लुम्बिनीमा आन्तरिक स्रोत कम भएको र संघबाट आउने अनुदान समेत घटेर आउने संकेत देखिएपछि प्रदेश सरकारले आगामी आर्थिक बर्षको बजेट घटाएर ल्याउन लागेको देखिन्छ ।
नेपाली काङ्ग्रेस संसदीय दलको पुर्ब सचेतक समेत रहेकी उहाँले संघीयताको मर्म अनुसार प्रदेशको औचित्य र आवश्यकतालाई बलियो बनाउने गरि बजेट ल्याउन प्रदेश सरकारलाई आग्रह गर्नुभयो ।
महासमिति सदस्य समेत रहेकी उहाँले भन्नुभयो, प्रदेशलाई समृद्ध प्रदेश आत्मनिर्भर प्रदेश बनाउने लक्ष्य बमोजिम पूर्वाधार भन्दा उत्पादनमुखी केन्द्रित बजेट भएमात्र युवायुबती पलायन हुनबाट रोक्न सकिन्छ । यसप्रति सरकारको ध्यान जान जरुरी छ ।
उहाँले प्रदेश सरकारले योजना छनोट गर्दा बिगतका बर्षहरूमा जस्तै मुख्यमन्त्री र मन्त्रीहरूले सत्तालाई दुरूपयोग गरि आफ्नो निर्वाचन क्षेत्रमा बजेट फिजाउने अन्य सभासदहरू र जिल्लालाई निरासा बन्ने परम्परा निरुत्साहित गरी जिल्लाहरुको आबश्यकताका आधारमा बजेट बिनियोजित गर्नुपर्ने बताउनुभयाे ।
उहाँले भन्नुभयो, अनुमानित राजस्व अपेक्षा गरेर हचुवाकै भरमा बजेट नल्याइ खर्च हुने गरि बजेट ल्याउदा उचित हुनेछ । लुम्बिनी प्रदेश सरकार यतिबेला बजेट तथा नीति कार्यक्रमको तयारीमा छ ।
