अर्घाखाँची । क्रान्तिकारी कम्युनिस्ट पार्टी नेपाल र नेकपा मशालबिच अर्घाखाँचीमा आज एकता भेला सम्पन्न भएको छ ।
भेलालाई क्रान्तिकारी कम्युनिस्ट पार्टी नेपालका केन्द्रिय सचिवालय सदस्य तथा लुम्बिनी प्रदेशका सहसयोजक कृष्ण केसीले सम्बोधन गदैँ नेपालको कम्युनिष्ट आन्दोलनलाई समाप्त पार्नका लागि देशी विदेशी शक्तिहरुको कसरत भइरहेको बताउनुभयो ।
देशको राष्ट्रिय स्वाधिनताको विषयमा पटक पटक सरकारमा गएका कम्युनिष्ट नामधारी दलहरुले सत्तासंग सौदावाजी गरिरहेकोले राष्ट्रिय स्वाधिनताको लागि विचार मिल्ने कम्युनिष्ट पार्टीहरुसंगको एकतालाई समेत जोड दिदैँ नेता केसीले राष्ट्रियता, जनतन्त्र र जनजिविकाको विषयमा आवाज बुलन्द गर्न आवस्यक रहेको बताउनुभएको थियो ।
कार्यक्रममा केन्द्रिय सदस्य हिमालय ,अर्जुन, कौडिनी,केन्द्रिय तथा जिल्ला इन्चार्ज हुकुम खड्का प्रदेश सदस्य अशोक थापा लगायतले मन्तब्य राख्नुभएको थियो । कार्यक्रम पार्टीका जिल्ला सेक्रेटरी राजेन्द्र नेपालीको अध्यक्षता, सहसेक्रेटरी ज्वालाको सञ्चालन, सह सेक्रेटरी अबिरलको स्बागत मन्तब्यमा सम्पन्न कार्यक्रममा नेताहरुको कार्यविभाजन र जिम्मेवारी समेत तोकिएको छ ।
कम्युनिस्ट विभाजन भन्दा एकतालाई सो पार्टीले लामो सयमदेखि जोड दिदै आएको छ । कार्यक्रममा नेता योगेन्द् चौहान गोविन्द केसी लगायतको उपस्थिति रहेको थियो ।
