अर्घाखाँची । एमाले अर्घाखाँचीको अध्यक्षमा पुनः पिताम्बर भुसाल र सचिवमा तोज बहादुर रायमाझी विधान सर्वसम्मत् निर्वाचित भएका छन ।
नवौं जिल्ला अधिवेशनबाट भुसाल र रायमाझी सर्वसम्मत् रुपमा निर्वाचित भएका हुन । नवौँ अधिवेशनमा पालिका प्रतिनिधि,आयोजक गरी ५ सय ६२ जना प्रतिनिधिमध्ये ५३२ प्रतिनिधि मतदानमा सहभागी भएका थिए ।
यसैगरी उपाध्यक्षमा निवर्तमान उपसचिव शम्भुप्रसाद पोखरेल र पूर्व प्रदेश कमिटी सदस्य प्रेमनारायण गैरेको उम्मेदारी परेको थियो ।
जसमा उपाध्यक्षमा शम्भुप्रसाद पोख्रेल निर्वाचित भएका छन । पोख्रेलले ३ सय २४ मत पाउँदा गैरेले १ सय ९९ मत पाएका थिए । उपसचिव खुलामा खगेश्वर पन्थी र श्रीकृष्ण भुसालको उम्मेदवारी परेको थियो । जसमा खगेश्वर पन्थी निर्वाचित भएका छन ।
पन्थीले ३ सय १४ र भुसालले १८९ मत प्राप्त गरेका थिए । महिला उपसचिवमा शिवकला विक र गीता भाट क्षेत्रीको उम्मेदवारी परेको थियो । जसमा शिवकला विकले ३ सय ४८ मत प्राप्त गरी विजयी भएका थिए ।
भाटले १ सय ४९ मत प्राप्त गरेका थिए । सन्धिखर्कको महिला सदस्य पदमा कमला खनाल ,भण्डारी,दीपा आचार्य ,देवी थापा भुसाल ,मिश्रा आचार्य निर्वाचित भएका छन ।
यस्तै खुल्ला तर्फ रामबहादुर रायमाझी ,मोतीजङ रायमाझी ,लक्षमण पराजुली,लक्ष्मी नारायण चुदाली ,नारायण बहादुर बस्याल ,श्रीधर महत्रा क्षत्री, हिमबहादुर जिसी लेकाली र भरत न्यौपाने निर्वाचित भएका छन ।
सन्धिखर्क ८ जनाको खुल्ला पदको लागि २३ जनाको उम्मदवारी परेको थियो । यस्तै सन्धिखर्कको युवा महिलामा श्रृजना आचार्य निर्वाचित भएकी छिन । अन्य ५ पालिकामा भने सर्वसहमत रुपमा नेतृत्व चयन भएको छ ।
