काठमाडौँ । सुनको मुल्यले अहिलेसम्मकै उच्च मूल्य रेकर्ड बनाएको छ ।
आज सुन तोलामा एक हजार आठ सय रुपैयाँले बढेर अहिलेसम्मकै उच्च तोलाको एक लाख ४६ हजार सात सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
हिजो सुनको मुल्य तोलामा एक लाख ४४ हजार नौ सय रुपैयाँ रहेको थियो । यसअघि गएको आइतवार सुन अहिलेसम्मकै उच्च तोलामा एक लाख ४५ हजार चार सय रुपैयाँ कायम भएर रेकर्ड बनाएको थियो ।
त्यस्तै चाँदीको मुल्य पनि आज १५ रुपैयाँले बढेको छ । आज चाँदी तोलाको एक हजार नौ सय रुपैयाँमा कारोबार भइरहेको महासङ्घको भनाइ रहेको छ ।
