काठमाडौं । प्रधानमन्त्री केपी शर्मा ओलीको चीन भ्रमणको कार्यतालिका सार्वजनिक भएको छ ।
प्रधानमन्त्री ओली यही मंसिर १७ गते चीन भ्रमणमा निस्किँदै छन । बिहिबार साँझ बसेको मन्त्रिपरिषद् बैठकले भ्रमण स्वीकृत गरिसकेको छ ।
त्यसको भोलिपल्ट शुक्रबार परराष्ट्र मन्त्रालयले प्रधानमन्त्री ओलीको चीन भ्रमणको कार्यतालिका सार्वजनिक गरेको हो । भ्रमणको क्रममा प्रधानमन्त्री ओलीले चिनियाँ राष्ट्रपति सि जिनपिङ र समकक्षी लिसँग भेटवार्ता गर्नेछन् ।
यस्तै, उनले बेईजिङमा रहेको पेकिङ विश्वविद्यालयमा सम्बोधन (प्रमुख वक्ता) को रुपमा सम्बोधन गर्नेसम्मको कार्यतालिका तय भएको छ ।
