काठमाडौँ । नेकपा (एमाले)का सांसद योगेश भट्टराईले संसद् सञ्चालनको विषयमा राष्ट्रिय स्वतन्त्र पार्टी (रास्वपा) पनि चाँडै सहमतिमा आउने बताएका छन्। शुक्रबार संसद भवन बाहिर सञ्चारकर्मीहरूसँग कुरा गर्दै उनले सत्ता पक्ष, माओवादी केन्द्र र अन्य दलबीच सहमति बनिरहेको र रास्वपाले पनि सहमतिमा सहभागी हुने अपेक्षा व्यक्त गरे । उनले भने, “पाका नेता छिट्टै सहमतिमा आउँछन्, नवजवानहरूलाई बुझ्न समय लाग्छ । जोश-जाँगर भएको रास्वपा पनि विस्तारै सहमतिमा आउँछ ।”
सांसद भट्टराईका अनुसार संसद् लामो समयसम्म अबरुद्ध हुनु उचित होइन भन्नेमा माओवादी केन्द्रले गम्भीरता देखाएको छ। उनले संसद्मा विचाराधीन रहेका महत्वपूर्ण विधेयकहरू छिट्टै अघि बढाउनुपर्नेमा जोड दिए । बजेटमाथि छलफल गर्नुपर्छ, निजामति र विद्यालय शिक्षा विधेयकहरू तत्काल पास गर्न आवश्यक छ,” उनले भने ।
सांसद भट्टराईले माओवादी केन्द्रसँग संसद् सञ्चालनका लागि दुई बुँदामा सहमति भएको जानकारी दिए: अख्तियार दुरुपयोग अनुसन्धान आयोगलाई छानबिनमा सहयोग पुर्याउने। भिजिट भिसा र अध्यागमन प्रणालीमा आवश्यक नीतिगत र कानुनी सुधारका पहल सुरु गर्ने । गृहमन्त्रीको जवाफपछि राप्रपा आफ्नो सिटमा फर्किसकेको छ ।
