वाग्मती । नेपाली कांग्रेस वाग्मती प्रदेश संसदीय दलका नेता इन्द्रबहादुर बानियाँले वाग्मती प्रदेशका मुख्यमन्त्री बहादुरसिंह लामा तामाङलाई राजीनामा दिएर मार्गप्रशस्त गर्न आग्रह गरेका छन्। केही दिनअघि संसदीय दलको नेतामा निर्वाचित भएका बानियाँले आज बिहान सञ्चारकर्मीसँग कुराकानी गर्दै मुख्यमन्त्री लामाले दलको विश्वास गुमाइसकेको भन्दै अब पदमा बसिरहन नहुने धारणा व्यक्त गरे ।
नेता बानियाँले भने, “उहाँले संसदीय दलको नेताबाट विश्वास गुमाइसक्नु भएकाले नैतिकताको आधारमा मार्गप्रशस्त गर्नुपर्छ।” उनले आफ्नो र मुख्यमन्त्री लामाबीच कुनै व्यक्तिगत मनमुटाव नरहेको स्पष्ट गर्दै अब प्रदेश सरकारलाई सुदृढ र प्रभावकारी बनाउन नेतृत्व परिवर्तन अपरिहार्य भएको बताए ।
