काठमाडौँ । अर्थमन्त्री डा.प्रकाशशरण महतले आँखा बन्द गरेर नेपालमा केही पनि छैन भनेर सोचे केही पनि नदेखिने बताएका छन् । मङ्गलवार चितवनको सौराहमा हात्ती महोत्सवलाई सम्बोधन गर्दै अर्थमन्त्री महतले आँखा बन्द गरेर नेपालमा केही पनि छैन भनेर सोच्यो भने केही पनि नदेखिने बताएका हुन् ।
‘आँखा बन्द गरेर नेपालमा केही पनि छैन भनेर सोच्यो भने केही पनि देखिँदैन । यो देशमा धेरै गर्न वाकी भएको हुनाले अवसर पनि यही देशमा छ । त्यो अवसरलाई युवा पुस्ताले सदुपयोग गर्न म अनुरोध गर्न चाहन्छु’, अर्थमन्त्री महतले भने, ‘हाल आर्थिक तथ्याङकहरुले देशको अर्थतन्त्र सकारात्मक बाटोमा गइरहेको देखाएको छ ।
विगतमा कुनै राजनीतितक उद्देश्य राखेर जुन खाले प्रचार भयो । अब देशका आर्थिक सुचांकहरुले अर्थतन्त्र सकारात्मक बाटोमा गइरहेको देखाएको छ । र अब यो अवसरलाई सबैले सदुपयोग गर्नुपर्छ ।’
